مــــاضــي وعـــاد

كنت احسب الماضي بينسى وننساه
وآثـار نسيانـه يجـدّد عـذابـه
تلوح لي من فايـت البعـد ذكـراه
أثره بقلبي مختفـي مـا درى بـه
وكنت اتجاهل واحسب الروح تسلاه
واقْنع شعور ما حسبنـا حسابـه
استيقـظ الماضـي بنـار تلظّـاه
من يوم سمع الهاتف اللي لفا بـه
صوت الغرام ونشوته يوم عشنـاه
أيام كـان الفـلّ والـورد غابـة
لفا بذاك الماضـي اللـي حبسنـاه
بين الضّلوع أيّـام زهـوة شبابـه
يقـول قلبـي ليتنـا ماعرفـنـاه
صوتٍ يجدّد جرحنا وشْ نبا ..بـه
وتقل عيوني من سنيـن عشقنـاه
يا قلب جاملني من اجـل القرابـة
واشوف ماضينا على عيني اقـراه
متوضّحٍ فـي صورتـه والكتابـة
قمت اتحسّس طلعته لـي وملفـاه
واحضن حبيبٍ عاد لي من غيابـه