منتدى الخضمي


    خـــارج السرب

    شاطر

    شهاب الاحمد

    عدد المساهمات : 7
    السٌّمعَة : 0
    تاريخ التسجيل : 29/07/2010

    خـــارج السرب

    مُساهمة  شهاب الاحمد في الجمعة يوليو 30, 2010 4:57 am

    خـــارج السرب حلق في سماك الفكر = كان غنت طيور الليل من وكرها
    لك تركت الفضا كله مساحة نشـــــــر = تيه واطلع بنفسي فيك الى قدرها



    يانزيه المواكر ياعزيز القدر=ياوحش ياطليق الروح ياحرها
    لا تدور لنفسك عن مرامك عذر = النفوس العظيمة موتها عذرها


    ويش معنى حياتك في ربيع العمر = كانك بتحسد الميته على قبرها
    بالرجا بالتمني بالامل بالصبر = الليالي ليا طالت عليك اسرها


    كنت اقدم قصيدي ورد واهل الشعر = ناقة تقطف الوردة وتجترها
    لكن اليوم حنا في زمن في عصر = ابن زايد محمد واكتمل درها


    غن يامن بصدري لك زمانٍ تجر = هات عجز القصيدة واعطني صدرها
    ماهجرت الوزن والقافية من عسر = لكن النفس ماكان الشعر خمرها


    اشغلتني حياة ( الغندبه ) والفقر = في مشاويرها واغنتني بفقرها
    موتري يطي البيد ويحوم النسر = ويتسابق معي ظله على برها


    يطلب الله رزقه من صلاة الفجر = لين ماتستريح الشمس في خدرها
    كن روحي بجنحانه عليها نذر = ماتوقع بدار الا على نذرها

    اعتزلت المدينه عن حياة الحضر = في صحاح الفلا والعين ذا بصرها
    خيمتي والنسايم بالنسايم تمر = والثريا على جفني غفى بدرها

    يسري الليل يسريبي وضوي سمر = تنجذب له بنات الجن من سدرها
    كان يطحن براسي حب صوت النجر = ويتمايل بروس ابلي صدى نجرها

    ترزم النوق من حولي بضيقة صدر = وانا مع فوحة الدلة على جمرها
    اقهواه فنجالي بحالة سكر = واسأل الليل هالنجمات كم عمرها

    شفت سر الوجود بسر حب التمر = واكتشفت اكبر الاشياء من صغرها
    به يلف الغموض الكون به ابتصر = كل ايه تجي من اية كبرها
    والنجوم القريبه في سماي شكثر = لكن بقلبي الجوزا وياحرها


    لي تلوح المدينه بالليوت الصفر = من بعيدٍ سفينه والدجى بحرها
    كنها في غياهب ليلها تحتضر = تغرق ويغرق الانسان في قعرها
    كل بيت سكنته في فناها قبر = كل حلوٍ تذوقته بها مرها


    لجو الناس فيها الهلال النصر = التعصب يعل الروس ويضرها
    ذاك عبدالاله وذاك عبدالخضر = واتّشابه عقول ويختلف فكرها
    والتطرف لمذهب دون مذهب كفر = اشهد اني بريء النفس من كفرها

    خارج اسوارها حلق سماك الفكر = لاقيودك قيود ولاانت في اسرها

      الوقت/التاريخ الآن هو الإثنين مارس 27, 2017 4:15 pm